Årsmelding 2024
ÅRSMELDING 2024
Styret i Stord sogelag i årsmøteperioden:
- Odd Stuve Rommetveit Leiar
- Einar Bjelland Nestleiar
- Ingrid N. Mongstad Skrivar
- Odd Stuve Rommetveit Kasserar
- Eline Bruntveit Styremedlem
- Gunnar Strand Styremedlem
- Peggy H. Bærøy Vara
- Kjell Dagfinn Mongstad Vara
Revisor: Leif Jacob Sydnes
Valnemnd; Jens Litlabø leiar, Eli Lillebø medlem, Annbjørg Luggenes medlem.
Medlemstalet ved utgongen av 2024: +180, herav tre æresmedlemar.
Lagsaktivitet 2024
Årsmøte 2024 vart halde den13.04.24 på Sunnhordland museum, med vanlege årsmøtesaker.
Seks ordinære styremøter på fylgjande tidspunkt: 24.01, 26.02, 08.04, 29.05, 24.09, 29.10.
Fire av styremøta var halde i museet, eitt i Ovnshuset på Huglo og eitt på Hatland skule.
I tillegg vart det halde 2 arbeids-/gruppemøter, begge med tema: IT-assistanse, Heimeside og Facebookside. Sogelaget har no etablert ei eiga Fb-side. Heimesida skal arbeidast vidare med, etter innleiande revideringar i 2024.
På Fritidsmesse for seniorar i Kulturhuset den 14.03.24, hadde sogelaget tre representantar frå styret tilstades. Der hadde me ein «stand», der det var selt årsskrift, formidling av informasjon om sogelaget, og verving av nokre medlemar.
Tore Lande Moe lagar årlege artiklar i bladet Sunnhordland under vignetten Stord sogelag, som omhandlar lokalhistoriske tema.
Stordront, v.Steinar Hystad ,har også bidratt til god omtale av aktiviteten til Stord sogelag.
Bladet Sunnhordland hadde i vinter god omtale av Årssskrift-24.
Den 11. og 12.mai vart det halde årsmøte i Hordaland sogelag, på Stalheim hotell.
Der hadde sogelaget to utsendingar frå styret, Gunnar Strand og Odd S. Rommetveit.
Gunnar Strand vart valgt til varamedlem i Hordaland sogelag.
Sogelaget er også medlem i Landslaget for lokalhistorie.
Den 27.05.24, arrangerte Stord sogelag, saman med Langeland skule, ein minneseremoni for John Hatland. Det var då 100 år sidan han vart fødd, og 80 år sidan han vart avretta på Trandum. Seremonien vart halden ved minnesteinen nær Hatland skule, og leiar i sogelaget, Odd S. Rommetveit var den som leia arrangementet, med Evelyn Brask Nordfonn som iniativtakar og god medarrangør.
Den 14.11.24 hadde styremedlem, Gunnar Strand, sogetime for pensjonistar i Leirvikstova. Tema var Vatnadalen kraftverk frå 1913 – 1957.
Den årlege samlinga for styret og inviterte, var halden den 18.11.24 på Nordre Tveita hos Marta Tveita og Jens Litlabø. Dei inviterte var æresmedlemar, skriftstyret , forfattarar til årsskrift 2024, og andre med verv for sogelaget.
Den 30.11.24, skipa Sunnhordland museum til «Jul på museet». Sogelaget hadde då med to frå styret som var «saftkokarar», Einar Bjelland og Gunnar Strand.
I desember rydda sogelaget i arkivet sitt på museet. Utført av leiar og nestleiar.
RUSLETURAR
Sogelaget har arrangert fire rusleturar i 2024.
Den fyrste gjekk til Øvre Økland/Vatna (14.05), og her var Gunnar Strand ein framifrå god turvert.
Den andre gjekk til Langeland(28.05), der me fekk flott omvisning og orientering av fleire gode lokalkjente. Me vart samla på garden til Marit og Andreas Hjartåker til slutt.
På seinsommaren (27.08) hadde me rusletur i området Melkevik/Stokken. Her var det også fin orientering og god deltaking. Her vart alle samla i løa hos Anne -Britt Melkevik Dahle, til slutt.
Den siste rusleturen (10.09.) i 2024, gjekk til Kvednastølen på Fjellgardane/Haugland. Her vart det også god orientering og informasjon om plassen og hendingar knytt til dette området.
Det har vore svært god deltaking og godt engasjement på alle rusleturane. Ekstra flott når lokalkjente kjem med innspel og formidlar gode historiar på turane. 
HATLAND SKULE
Stord sogelag har to representantar i Venelaget for Hatland skule. Vigdis Digernes Dahl, og Kjellbjørg Lunde (vara). Dei rapporterar halvårleg til styret i sogelaget og informerar om arbeidet og stoda.
Sogelaget overførte i 2024 tidlegare motatt gåve frå Sparebank vest, på kr.25000,-, til Venelaget.
KULTURRÅD
Stord sogelag vart i -24 med i eit nyskipa kommunalt amatørkulturråd. Føremålet er å ha eit samla oversyn over lag som på eit eller anna vis arbeider med kultur i Stord kommune. Dette kom i stand etter ei politisk bestilling. Oversynet vart presentert for politikarane i komite for oppvekst og kultur den 10.12.24.
ÅRSSKRIFT 2024
Skriftstyre i 2024 var:
- Åsta Lorentsen
- Turid Tresselt Melheim
- Peggy Husevik Bærøy
- Steinar Hystad
Skriftstyret hadde også dette året gjort eit framifrå arbeid. Årsskriftet, med eit opplag på 600, vart klart frå trykkeriet seint i oktober, og vart distribuert til medlemane og salsstadane i veke 44-45.
Bidragsytarane til Årsskrift 2024 er:
Oddbjørn Kvålsvold: Livsminne frå seterdrift, tenestefolk, og føderådsavtalar.
Eline Bruntveit: Minneglimt frå livet til Bjarne Sigurd Bruntveit, 1946-2006
John Reidar Granli: Det skjedde på Bjelland – Tysdag den 3.mai 1921 og etterpå
Reidar F. Agdestein/Solveig Agdestein: Grønn var min barndoms dal.
Magne Bjelland; Amerika – draumen om eit betre liv, del 2
Nils Tore Gram Økland: Andreas O. Agdestein – ein gløymt diktar frå Stord
ØKONOMI
Økonomien i laget er bra. Årsresultatet er kr,-6736,71, etter at kr.25 000 .- er overført til venelaget for Hatland skule. Viser elles til rekneskapet.
Stord sogelag er godkjent grasrotmottakar, og organisasjonsnr. er; 996 829 405
VIDARE ARBEID
2025 vil vera eit travelt arbeidsår for Stord sogelag,
Sogelaget har i dette året 30 års jubileum, og vil i samband med dette arbeide for å få i stand ulike arrangement.
Det er også komme henvendelsar vedrørande deltaking og event. markering, av 200 års-jubileet for norsk utvandring til Amerika.
Vidare vil det sjølvsagt verta skipa til rusleturar i dette året også.
Stord sogelag,16.01.2025,
Odd Stuve Rommetveit, leiar og kasserar
Einar Bjelland, nestleiar
Ingrid Nysæter Mongstad, skrivar
Gunnar Strand, styremedlem
Eline Bruntveit, styremedlem