Solstråleøya 2010

Målet for turen i år var Solstråleøya på Tysnes. Turen gjekk frå Fitjar gjennom Bårsundet, forbi Klinkholmen, velkjend handelsstad frå midt på 1800-talet, og Kubbervik, som var eit blømande handelssete alt under skottehandelen på 1600-talet. Solstråleøya ligg lengst aust i det tronge Godøysundet. På den nylaga bryggja tok Norolv Henriksen imot oss. Han hadde mangt å fortelja om øya og gjorde stoffet interessant og levande. Under matøkta fortalde båtbyggjar Hans Dalland om arbeidet som båtbyggjar.