Referat frå årsmøte 2025
1995 – 2025
Referat frå årsmøte 2025
Årsmøte i Stord sogelag (org.nr.996 829 405) vart halde tysdag 11.03.2025 kl.19.00 på Sunnhordland museum. Møte med foredrag starta kl.18.00.
Skriftleg innkalling vart sendt ut på e-post den 14.02.25, og påminning vart sendt på e-post den 07.03.25. Det vart også informert om årsmøtet på Sunnhordland si side detskjer.sunnhordland.no, og på sogelaget si facebookside. Stordront hadde også omtale om årsmøtet på si side.
- Konstituering
- Leiaren i laget,Odd Stuve Rommetveit, ynskte velkommen til årsmøte.
- 40 medlemar møtte.
- Odd Stuve Rommetveit vart vald til møteleiar.
- Ingrid Nysæter Mongstad vart vald til referent, og Åsta Lorentsen og Gunnhild Høgås vart valde til å godkjenna og skriva under referatet.
- Innkalling og sakliste vart godkjent.
Vedtaka var einstemmige.
- Årsmelding for året 2024
Årsmeldinga vart sendt ut til medlemane i e-post 14.02.25, og er også lagt ut på heimesida til Stord sogelag.
Årsmeldinga vart vist på skjerm og leiaren, Odd S.Rommetveit, gjekk igjennom og refererte hovudpunkta.
Det kom ikkje fram merknader til årsmeldinga.
Vedtak: Årsmøtet godkjente årsmeldinga for 2024.
- Rekneskapen for 2024
Rekneskapen for 2024 vart lagt fram og gjennomgått av kasserar,Odd S. Rommetveit.
Resultatrekneskap og balansen vart vist på skjerm. Hovudpostane vart forklart. På inntektssida er dei største postane medlemskontingent (kr 62.000) og sal av årsskrift (kr 51.000). Samla inntekter utgjer kr 144.000
Av totale kostnader på kr 150.000 utgjer trykking av Årsskrift 2024 (kr 82.500) største posten. Elles utgjer ny pc for styret og overføring av tidlegare gåve frå Spv til Venelaget for Hatland skule samla over kr 32.000 Årsresultatet (underskot) på kr 6.736 er ført mot fri eigenkapital. Samla utgjer eignelutane over kr 230.000
Vedtak: Årsmøtet godtok framlagt, revidert rekneskap utan merknader.
- Medlemskontigent 2026
Framlegg frå styret om uendra sats. Kr. 300,- pr. år pr. medlem.
Vedtak: Årsmøtet godkjente dette.
- Forslag til årsmøtet 2025 – Vedtektsendring vedk. årsmøtekunngjering.
Utdrag av vedtekter for Stord sogelag:
Endring er merka med raudt.
§ 3 Årsmøtet
Laget held årsmøte innan utgangen av mars kvart år.
Det skal kunngjerast i lokalblada 4 veker i førevegen. Går ut.
NY: Det skal kunngjerast for medlemene ved e-post, oppslag på heimesida og på Facebooksida, event.SMS, minst 4 veker på førehand.
Vedtak: Årsmøtet godkjente dette.
- Val av styre. Innstilling frå valnemnda
Av styret sine medlemar er fylgjande på val:
- Leiar (val for 1 år)
- Styremedlem (2år)
- Varamedlem (1 år)
- Varamedlem (1år)
Valnemnd: Jens Litlabø(leiar)Eli Lillebø og Annbjørg Luggenes.
Leiar i valnemnda la fram innstillinga frå valnemnda.
Odd Stuve Rommetveit sa seg villig til å fortsetje som leiar.
Gunnar Strand godkjente attval som styremedlem.
Peggy H. Bærøy har godkjent attval som varamedlem.
Kjell D. Mongstad seier ifrå seg attval som varamedlem, og John Reidar Granli er innstillt som nytt varamedlem.
Vedtak: Styret i Stord sogelag:
Leiar: Odd Stuve Rommetveit (valt for 2025)
Styremedlem: Gunnar Strand (attval, valt for 2025-2026)
Styremedlem: Ingrid Nysæter Mongstad (ikkje på val,valt for 2024-2025)
Styremedlem: Einar Bjelland (ikkje på val, valt for 2024-2025)
Styremedlem: Eline Bruntveit (ikkje på val,valt for 2024-2025)
Varamedlem: Peggy Husevik Bærøy (attval,valt for 2025)
Varamedlem: John Reidar Granli (ny, valt for 2025)
Valet vart einstemmig godkjent.
Styret konstituerer seg sjølv, i samsvar med vedtektene.
- Val av revisor
Leif Jacob Sydnes seier ifrå seg attval som revisor.
Etter forslag frå årsmøtet, vart Eli Lillebø foreslått som ny revisor for 1 år.
Valet vart einstemmig godkjent.
- Val av valnemnd
Medlemane i den noverande valnemnda seier ifrå seg attval.
Ny valnemnd vart ikkje valt på årsmøtet. Det blei foreslått at styret finn kandidatar til ny valnemnd på første styremøte etter årsmøtet.
Dette forslaget vart einstemmig godkjent.
- Drøfting av det vidare arbeidet til Stord sogelag framover
Det kom innspel frå medlem, Tore l. Moe, vedr. mulig prosjekt som kan utførast av laget. Det gjeld rydding og skilting av ein liten stad v. Frugardselva. Gunnar Strand tok på seg å sjekka vidare med grunneigar før ein iverkset noko her. Noko arbeid bør gjerast på kort sikt, og noko på lang sikt.
Odd S. Rommetveit informerte om planlagte rusleturar og andre planlagte arrangement. Gunnar Strand informerte også om planlagte turar, og kunne melda om at første rusletur i år blir 22. april i området Åsringen.
Medlem av skriftstyret, Turid T. Melheim, kom med ei oppmoding til alle medlemane om at det er ynskjeleg å få inn meir stoff til sogeskriftet 2025.
- Ope møte og foredrag før årsmøtet
Tradisjonen tru vart det også i år skipa til foredrag og matøkt før årsmøtet.
Det første innlegget var det Nils Tore Økland som hadde. Han har vore med i sogelaget sidan det vart skipa . Det var Anstein Lohndal som hadde ideen, og skipingsmøtet vart halde i april 1995. Dei vedtok då at det nystarta sogelaget skulle ha som intensjon å arrangera rusleturar i mange delar av Sunnhordlandsområdet, driva samarbeid med Sunnhordland museum, utarbeida eige årsskrift, og skipa til medlemsturar. Det kan nemnast at det sidan Stord sogelag vart skipa for 30 år sidan, har det blitt gjeve ut 30 årsskrift med totalt 3000 sider lokalhistorisk stoff!
Gjesteforedragshaldar i år var Inger Johanne Moe
Inger Johanne Moe (Gulla), fortalde levande og interessant om far sin, Emil Moe. Ho viste bilder og kunne fortelja om svært innhaldsrike år i livet til lækjar, Emil Moe, som var oppvaksen på Fitjar. Det var mange historiar frå lækjarpraksisen hans i Nord Norge,på Austevoll og som distiktslækjar på Stord. Deltakarar på årsmøtet kom også med innspel og historiar som dei hadde fått opplevt med Emil Moe.
Før årsmøte var det matøkt, der det var servert Jubileumskake og rundstykker.
Stord, 13.03.2025
Referent: Ingrid Nysæter Mongstad
Referat Godkjent:
_____________________________ ___________________________
Åsta LorentsenGunnhild Høgås